More is die begin van lente… en soos bere wat uit hibbernasie kom begin ons outomaties dinge doen om ons winter blubber te verminder… drink n glasie water, eet n appel, die tipe dinge.
So paar jaar gelede het ons n slim badkamerskaal gekoop. Jy kan n profile opstel met jou ouderdom, lengte en geslag.
Wanneer jy dan opklim word jy nie net geweeg nie maar ook gejudge… daar is n formule – lengte x hoogte x breedte ÷ die hoeveelheid blokkies sjokolade wat jy laaste geeët het. Dan kry jy jou vet persentasie. BMI.
Nou kyk, as n man hou van sy biltong met daai randjie blinkgeel vetjie, dan sal hy nogal vir my kyk. Die ou wat green juice vir brekvis drink gaan my nie eers met die hand groet nie.
Verlede week was die eerste weegsessie. Wat dit nog ouliker maak is dat jy die inligting weekliks op die health app op jou foon kan stoor. Dan kry jy funky grafieke wat jou vordering dophou, opwaarts of afwaarts. Die oulike ding van n foon is… dat as die grafiek jou nie aanstaan nie kan jy net die foon onderstebo draai… “for more handy health tips, follow me…”
Verlede week het die skaal perfek gewerk, my en Jaco se syfers gegee. Vanoggend staan man van die huis op en verklaar dis weegdag. Hy klim op, kry sy goed en tik dit in op sy foon.
My beurt… hy verander die skaal na my profiel en ek wip op. Ek word geweeg maar my fat % gooi die skaal n ERROR. Ek klim af, reset en klim op. Dieselfde storie. Ons gaan stort en toe probeer ek weer die skaal. Die ding weier volstrek. Jaco klim op en dan is alles reg. Verander die profile na female en hy steek vas. Hy gaan sover om net my profile net te verander na male… en wanneer jy opklim kry hy n resultaat.
Toe slaan dit my… ek het ook my “monthly” tracker op my foon. Die 2 apps gesels met mekaar. Die skaal weet die derde week van die maand vertel jy nie vir n vrou sy is vet nie.