Om getroud te wees is n fees… Dit beteken jy hoef nooit alleen @&% aan te jaag wat jou later laat wonder oor jou sanity nie.
So het ons gisteraand vir 2 ure aaneen gezumba. Dis soos n week se klasse op een slag! Een klas laat my gewoonlik suffer… Ek was moeg maar redelik fine.
Kom huis toe, eet iets, lekker warm stort en gaan sit gemaklik. Teen die tyd het die spiere al bietjie begin afkoel en dinge begin pyn, my skouer klop, my voete brand. Bed toe en ek sukkel om my lê te kry. Dit voel of my hele lyf “zing”. Badkamer toe, asof daar nog vog oorgebly het wat kon blaas toe.
Pas terug op die bed toe my regter bobeen agter in n bitch van n kramp ingaan… Ek kreun, liefie vra waar dit pyn en ek lig my been om te wys waar… Net toe kom daar iets los wat vir 2 ure diep in my innerlike rondgeskud het… En my silencer gee in soos n 19-voertsek mazda 323 in n stil straat, laataand met n donkermaan…net toe liefie langs die bed kom staan om te kyk of hy kan help. En daar is n KNAL!!!! Histerie, ek skrik so groot en laat val die been en die ander een begin ook kramp. Toe ons min of meer kalmeer het gaan lê ek in n semi-fetus posisie.
Stilte en salige slaap, tot n uur en n half later… Toe ek wakker word van Jaco Swart wat kreun. Ek gaan haal in my slaap verwarde toestand ys vir die lucozade en moov vir die seer been.
Vanoggend pyn ek op snaakse plekke, tot my polse. Ons giggel vir mekaar se skete, dra vir mekaar water aan en smeer seer spiere. Gedeelde skete, dubbel die pret!